Porosi online pa komision: si Direct Dine u lë restoranteve gjithë fitimin

Nëse ke restorant, e njeh ndjesinë: porositë rriten, por fitimi jo. Arsyeja është e thjeshtë — platformat e dorëzimit marrin komision për çdo porosi. Porosi online pa komision do të thotë që çdo lek që paguan klienti mbetet te ti. Pikërisht për këtë ndërtova Direct Dine.

Problemi me komisionet e platformave

Shumica e platformave të dorëzimit marrin një përqindje të konsiderueshme nga çdo porosi — shpesh diku mes 15% dhe 30%, sipas marrëveshjes. Bëj një llogari të thjeshtë:

• Porosi online në muaj: 1,000,000 lekë
• Komision 25%: 250,000 lekë që ikin çdo muaj
• Në një vit: 3,000,000 lekë — rroga e një kuzhinieri, ose rinovimi i sallës

Dhe kjo pa llogaritur marzhin e ngushtë të restoranteve. Pas ushqimit, stafit, qirasë dhe energjisë, fitimi neto i një porosie shpesh është më i vogël se komisioni që merr platforma. Me fjalë të tjera: disa porosi online, në fakt, të kushtojnë para.

Çfarë është Direct Dine

Direct Dine është një sistem porosish për restorante që funksionon si kanali yt: faqja jote, menuja jote, klientët e tu. Nuk është treg ku restoranti yt renditet pranë 50 konkurrentëve. Paguan një abonim mujor fiks — dhe 0 komision për porosi, pavarësisht sa shet. Sa më shumë rritesh, aq më shumë fiton, sepse kostoja jote nuk rritet me çdo porosi.

Çfarë përfshin sistemi i porosive online pa komision

Porosi me QR në tavolinë

Klienti skanon kodin, sheh menunë dhe porosit direkt nga telefoni. Më pak pritje për kamarierin, më pak gabime në porosi, xhiro më e shpejtë e tavolinave. Në orët e pikut, kjo do të thotë më shumë klientë të shërbyer me të njëjtin staf.

Menu digjitale shumëgjuhëshe

Turistët nga Italia, Gjermania apo Polonia e shohin menunë në gjuhën e tyre. Në një vend me aq turizëm sa Shqipëria, kjo është shitje që përndryshe humbet — sepse një klient që nuk e kupton menunë, porosit më pak ose largohet.

Porosi me AI

Direct Dine përdor agjentë AI që e bëjnë porositjen më të lehtë — p.sh. klienti mund të dërgojë një screenshot dhe sistemi e kthen në porosi. Ky është i njëjti lloj sistemi agjentik që po bëhet standard për bizneset në Shqipëri në 2026.

Faqe interneti me porosi të integruara

Nëse nuk ke faqe, ose ke një faqe të vjetër, mund ta ndërtojmë me porositë online të përfshira që në fillim — gati për Google, Instagram dhe Google Maps.

Pse ka rëndësi të kesh kanalin tënd

• Të dhënat e klientëve janë të tuat. Mund t’u shkruash, t’u ofrosh promocione, t’i kthesh.
• Marka jote, jo e platformës. Klienti mban mend restorantin tënd, jo aplikacionin.
• Çmimet i vendos ti. Nuk ke nevojë t’i rritësh çmimet online për të mbuluar komisionin.
• Nuk varesh nga algoritmi i dikujt tjetër. Nëse platforma ndryshon rregullat apo renditjen, porositë e tua direkte nuk preken.

Porosi online pa komision krahasuar me platformat

Platforma e dorëzimit të jep dukshmëri dhe korrierë, por merr një pjesë të çdo shitjeje dhe mban marrëdhënien me klientin. Direct Dine të jep teknologjinë për të shitur direkt, me kosto fikse, dhe të lë ty pronar të klientit. Për shumë restorante, ky është dallimi mes të punuarit për platformën dhe të punuarit për veten.

A duhet të largohem nga platformat e dorëzimit?

Jo domosdoshmërisht. Platformat mund të jenë të dobishme për t’u zbuluar nga klientë të rinj. Strategjia e zgjuar është: përdori ato për zbulim, dhe ktheji klientët e rregullt te kanali yt, ku nuk paguan komision. Një QR në çantën e dorëzimit ose në tavolinë, një ofertë e vogël për porosinë e parë direkt — dhe ngadalë, pjesa më e madhe e porosive kalon te ti.

Direct Dine është pikërisht kjo: një alternativë ndaj platformave të dorëzimit që të lejon të rritesh pa ndarë fitimin.

Si të nisësh

1. Na dërgo menunë aktuale (edhe foto mjafton).
2. E kthejmë në menu digjitale, në gjuhët që të duhen.
3. Printon kodet QR dhe shton linkun e porosive në Instagram, Google dhe faqen tënde.
4. Nga dita e parë, çdo porosi është 100% e jotja.

Nëse do ta shohësh si funksionon për restorantin tënd, vizito direct-dine.com ose më shkruaj direkt. Për ata që duan të dinë logjikën pas çmimeve, kam shkruar edhe si i vendosa çmimin e Direct Dine.